Pas vizitës dy ditore në Turqi, kryeministri Edi Rama do të udhëtojë nesër drejt Greqisë, ku do të takohet me homologun grek.
Mediat greke shkruajnë se kreu i qeverisë shqiptare do të zhvillojë takime me kryeministrin Kyriakos Mitsotakis dhe Ministrin e Jashtëm, Nikos Dendias.
Dendias do të ketë një takim privat në Athinë me kryeministrin e Shqipërisë. Më pas, kryeministri Mitsotakis do të shtrojë një darkë me Ramën, ku do të jetë i pranishëm edhe Dendias.
Në fokus të bisedës, mendohet të jetë çështja e Detit, ku Turqia dhe Greqia ende nuk kanë arritur një marrëveshje, ndërsa Shqipëria ka rënë dakord që “Deti” të gjykohet në Hagë.
