“Banesat e shembura nuk plotësonin kushtet teknike dhe ndërtesat e pabanueshme kanë pasur ndërhyrje në kolona”.
Më herët sot pas fjalës së KM Rama, në një shkrim redaksia e Tirana Today ngriti disa pyetjen drejtuar Prokurorisë, ku thelbi i tyre ishte: Nëse do të kishte një hetim kombëtar nga Prokuroria për lejet e ndërtimit dhe pse janë këto banesa janë çertifikuar jashtë kushteve teknike?
Për mirë, mesa duket, Prokuroria e Tiranës dhe Durrësit e ka kuptuar rëndësinë e situatës dhe aq më tepër origjinën e fenomenit dhe ka vendosur të ndërhyjë.
Mësohet se dy prokuroritë kanë nisur veprimet hetimore për të nxjerrë shkaqet dhe përgjegjësit për ndërtimet e dobëta, në Durrës, Krujë dhe Tiranë.
“Qëllimi i këtij hetimi është për të parë nivelin e ndërtimit, respektimin e planit fillestar të projektit të objektit. Respektimi i cilësisë së ndërtimeve duke filluar nga trashësia e kolonave dhe mureve mbushës. Njëherësh në planin e këtij hetimi, do të analizohen lejet e miratuara nga bashkitë apo komunat, nëse janë miratuar sipas kritereve urbanistike dhe nëse këto leje kanë qënë ok, si janë zbatuar ato në terren gjatë ndërtimit të objektit.
Është një hetim i gjerë, teknik dhe që do kohën e vet për të dalë në konkluzione, pasi do verifikohen dhe vërtetësia e akteve kolauduese të këtyre objekteve,sepse kemi dyshime të forta se këto akte janë të falsifikuar”- është shprehur një prej prokurorëve të Durrësit, raporton GSH.
Prokuroria ka në fokus gjithashtu të kateve shtesë, pasi dyshohet janë falsifikuar akte kolauduese në përfundimin e banesave. Mjafton të kërkohet nëpër media dhe lehtësisht mund të gjenden informacione dhe pamje të publikuara, ku tregohen ndërtesa, pallate, që i kanë plindat e ndërtimit si kunja shkrepëseje.
