Prokurorët në Milano kanë nisur një investigim mbi akuza të mundshme të korrupsionit ndërkombëtarë. Kjo pasi u publikuan audio ku përfaqësues të partisë Lidhja diskutonin me Rusinë për një skemë financimi për partinë e Matteo Salvinit. Në regjistrimin audio të datës 18 tetor të publikuar nga BuzzFeed, dëgjohet teksa bisedohet për strategji anti-europiane e afera biznese në sektorin e natës. Si dhe në arritjen e një marrëveshje me financim rreth 65 milionë dollarë për “Lidhjen”.
Sipas dy reporterëve italianë një bashkëpunëtor i ngushtë i Salvinit, Gianluca Savoini, është takuar me disa rusë të paidentifikuar në një hotel në Mosko. Dhe atje ndër te tjera kanë diskutuar edhe për një marrëveshje mes shtetit rus dhe partisë Lidhja. Ku Rusia do të shiste 3 milion ton naftë në një kompani italiane të naftës. Dhe paratë mund të përdoren për të mbushur arkën e partisë së Lidhjes.
Ndërkohë agjencia italiane e lajmeve Ansa raportoi se autoritetet janë duke hetuar ngjarjen. Kryeprokurori i Milanos Francesco Greco, u shpreh : Ne kemi nisur një investigim për të kuptuar nëse ka krime apo jo. Pasi ende nuk është e qartë nëse marrëveshja është mbyllur zyrtarisht apo jo. Edhe pse në regjistrim dëgjohet një italian që thotë “le ta mbyllim marrëveshjen dhe pastaj jemi në rregull”, dhe një rus që përgjigjet “punë e mbaruar”.
Zëvendëskryeministri italian Salvini vazhdimisht i ka mohuar akuzat se ka marr para të huaja për të financuar partinë e tij.
“Asnjëherë nuk kam marr asnjë rubla ruse, asnjë euro, asnjë dollarë. As dhe një litër Vodka për financim nga rusët. Do të denoncoj të gjithë ata që më përfshijnë mua e Lidhjen, në këtë ngjarje.”/Burimi: CNN Përshtati: TIRANA TODAY
