Politikë

Përfundon rinumërimi i kutive të Lezhës në KQZ/ Zguri: Në kuti më shumë vota se votues

               Publikuar në : 11:34 - 12/07/19 M. S

Ka përfunduar procesi i rinumërimit të 11 kutive në qarkun e Lezhës për kryetarin e Bashkisë. Një votë e gabuar i është hequr Eduard Ndocajt dhe i është shtuar Pjerin Ndreut. Po kështu janë gjetur tre vota më shumë nga rezultati i deklaruar. Pas rinumërimit, kreu i KQZ-së Klement Zguri, u shpreh se në kutitë e votimit ka më shumë vota se sa votues. Mjaft i shqetësuar për këtë situatë, ai tha se kjo verifikohet me anë të listës së zgjedhësve.

“E kam thënë edhe më parë. Ajo që më shqetëson është fakti se në kutitë e votimit, ka më shumë vota se sa zgjedhës. Kjo verifikohet nëpërmjet listës së zgjedhësve.

Janë gjetur më shumë vota në kuti, se numri i zgjedhësve që kanë marrë pjesë. Kjo është një shkelje e rëndë. Vërej me dhimbje se subjektet zgjedhore e kanë kthyer në farsë të drejtën për ankimim”, tha Zguri.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT