Kronikë

Policia arreston 7 persona në Vlorë, 2 prej tyre ishin në kërkim


               Publikuar në : 11:40 - 12/07/19 Enno

Policia e Vlorës ka arrestuar gjatë ditës së sotme 7 persona të cilët akuzohen për veprimtari të paligjshme, të ndryshme.

Dy nga të arrestuarit kanë qenë në kërkim më parë nga policia, ndërsa 5 prej tyre janë kapur në flagrancë. Të ndaluarit dyshohen për vepra penale të ndryshme, që nga vjedhja, mashtrimi e deri te dhuna në familje.

Ndërkohë, të gjitha materialet në ngarkim të secilit janë referuar në Prokuroritë përkatëse për ndjekien e veprimeve të mëtejshme hetimore.

Njoftimi i policisë:

Vlorë

Në vijim të punës intensive për parandalimin e veprimtarive të paligjshme, gjatë 24 orëve të fundit Strukturat e Drejtorisë Vendore të Policisë Vlorë kanë bërë kapjen dhe arrestimin e 7 personave.

(2 në kërkim, 5 arreste në flagrancë)

Vlorë, ndalohet shtetasi në kërkim N. K., 30 vjeç, banues në fshatin Lubonjë, Selenicë.

Ndalimi i tij u bë pasi Gjykata e ka dënuar me 16 muaj burgim për “Vjedhjen e energjisë elektrike ose impulseve telefonike”.

Vlorë, Ndalohet shtetasi në kërkim Xh. Rr., 26 vjeç, banues në fshatin Fitore, Vlorë.

Ndalimi i tij u bë pasi Gjykata i ka caktuar masën e sigurisë “Arrest në burg” për veprën penale “Mashtrim” i kryer në bashkëpunim.

Vlorë, arrestohet në flagrancë shtetasi A.Ç., 30 vjeç, banues në Vlorë.

Arrestimi i tij u bë pasi ky shtetas ka vjedhur me dhunë një fëmije të mitur duke i marrë një byzylyk floriri.

Vlorë, arrestohet shtetasi V.Ç, 26 vjeç, banues në Vlorë.

Arrestimi i tij u bë pasi u kap në flagrancë në një lulishte duke poseduar një sasi lënde narkotike të dyshuar si cannabis sattiva.

Vlorë, arrestohet shtetasi A. A., 31 vjeç, banues në fshatin Vllahinë, Selenicë.

Arrestimi i tij u bë pasi Gjykata i ka vendosur masën “Arrest në shtëpi” si i dyshuar për veprën penale “Prodhimi dhe shitja e narkotikëve” dhe është kapur nga policia jashtë vendit të qëndrimit të detyrueshëm.

Vlorë, arrestohet në flagrancë shtetasi A. Gj., 52 vjeç, banues në Tiranë.

Arrestimi i tij u bë pasi u kap në flagrancë duke drejtuar automjetin “Mercedes Benz” në gjendje të dehur.

Sarandë, arrestohet në flagrancë shtetasi A. M., 42 vjeç, banues në Sarandë.

Arrestimi i tij u bë pasi ky shtetas dyshohet se ka ushtruar dhunë fizike dhe psikologjike ndaj bashkëjetueses së tij 52 vjeçare, për motive të dobëta.

Të gjitha materialet në ngarkim të secilit janë referuar në Prokuroritë përkatëse për ndjekien e veprimeve të mëtejshme hetimore.

 

Kthehu
WhatsApp Denonco ne TT