Luftëtarët kurdë janë tërhequr nga qyteti Ras al-Ayn, duke ua dhënë Turqisë dhe grupeve aleate të saj kontrollin në njërin nga qytetet kufitare.
Ky qytet ka qenë pjesa kryesore e luftimeve, që nga vendimi i presidentit amerikan për tërheqjen e trupave amerikane nga Siria. Një kolonë me 86 automjete me luftëtarë kurdë janë larguar nga qyteti të dielën pasdite, deklaroi ministria e Mbrojtjes e Turqisë.
Ata janë zhvendosur në jug të zonës prej 20 miljesh, për të cilën Turqia thotë se do ta çlirojë për t’ua mundësuar vendosjen refugjatëve sirianë që jetojnë në Turqi.
“Nuk kemi më luftëtarë të tjerë në këtë qytet”, tha Kino Gabriel, një zëdhënës i Forcave Demokratike Siriane, duke konfirmuar se qyteti Ras al-Ayn është braktisur si pjesë e marrëveshjes për armëpushim me Turqinë.
Por prapë se prapë, luftëtarët kurdë ndodhen ende në pjesët e tjera të të ashtuquajturës zonë e sigurisë, përfshirë qytetet Kobane dhe al-Darbasiyah.
