Avokati Spartak Ngjela deklaron se Perëndimi nuk do e pranojë kurrë bojkotimin e zgjedhjeve dhe paralajmëron ngritjen e SPAK në çështje ditësh.
I ftuar në studion e News24, Ngjela thotë që e gjitha kjo bëhet për Perëndimin dhe nëse Shqipëria aspiron të bëhet pjesë e tij, atëherë është normale që gjërat do bëhen siç do ajo.
Pjesë nga deklarata e tij:
“I kërcënoi SHBA, le ta provojnë. Këta nuk janë me Perëndimin, këtyre Perëndimi po iu imponohet me dhunë. Këtu është lufta je apo s’je me Perëndimin, Shqipëria do të hyjë në Perëndim. Ata thonë se në Perëndim do të hysh me reformën që duam ne.
Nuk më duhet mazhoranca. Këtu ka rregull, kemi kërkuar të hyjmë në perëndim. Perëndimi thotë “nuk po e hapim derën se nuk keni bërë reformën”. E ka perëndimi në dorë integrimin e Shqipërisë. Punë ditësh del SPAK-u. Gjithçka do shkojë drejt një gjykate. Janë tufë injorantësh, më thonë kemi regjistrime për shit-blerje votash, por a kanë vendim gjykate? “, shtoi avokati.
