Partia Demokratike denoncoi paraditen e sotme se në Fier pikërisht sot, ditën e votimeve një fugon i Rilindjes po shpërndante miell në qytet. Por nuk ka vonuar dhe ka ardhur reagimi i shoferit, i cili drejton fugonin e veshur me logon e Rilindjes.
Ai është Emiljano Mali dhe thotë se fugonin e ka të licencuar për transport pasagjerësh.
“Bëj çdo ditë linjën Libofshë- Fier. Edhe sot si gjithmonë bëra punën time. Zotëria bleu sojë për ta sjellë në shtëpi, nga Fieri në Libofshë. Dy thasët i vendosi në fugon dhe do iknim në fshat.
Është bërë foto nga PD pasi fugoni është i veshur me logon e Partisë Socialiste. Njerëz të PD e shfrytëzuan rastin. Sa i hodhëm në fugon erdhën filmuan dhe e postuan në internet. Nuk kam bërë asgjë të jashtëligjshme, vetëm punën time”,- thotë ai për News 24.
