Në një konferencë për media, kreu i PD-së Lulzim Basha shprehu shqetësimin për atë që ai e cilëson si keqmenaxhim të situatës me pandeminë. Sipas tij, qeveria ka dështuar dhe se pasojat po i vuajnë shqiptarët, duke u përballur edhe me krizën ekonomike.
Duke analizuar situatën sa i takon kapaciteteve në dy spitalet COVID, ai tha se gjendja është e rëndë, dhe se nuk ka më vende për të shtruar pacientë të tjerë.
“Shqipëria e papërgatitur për valën e parë të pandemisë, pasojat i paguan qytetarët dhe ekonomia. Kapacitetet e spitaleve Covid 1 dhe Covid 2 kanë shteruar, vendet në spitale janë plotësuar 100%.
Sistemi shëndetësor është në kolaps. Numri i të infektuarve është rritur me 30% në 10 ditë.
Paralajmërimet tona ranë në vesh të shurdhër. Kriza dhe braktisja nga shteti, i ka bërë të varfërit të mjerë. I vetmi qe nuk ka marrë asnjë masë për krizën qe i ka trokitur në derë është Edi Rama”.
