Bukuria e cila ka ardhur posaçërisht nga Danimarka për t’u paraqitur në programin “E diela Shqiptare”, kërkon të bashkojë Mimozën me babanë e saj. E ëma e Bukuries ka ndërruar jetë para një viti, por pavarësisht kësaj, ajo do që babai të jetë i lumtur dhe të vijojë jetën e tij. Ajo do të bashkojë të atin. Z. Bashkim me Mimozën, me të cilën është njohur pak muaj më parë. Siç duket, ai ka rënë në dashuri me të, por znj Mimoza nuk e pranon për shkak të xhelozisë së tij.
Pasi u paraqit në emision, me kërkesë të Bukuries, për të cilën gëzonte shumë respekt, ajo rrëfeu publikisht se arsyeja pse nuk donte që të kalonte jetën me Bashkimin, ishte xhelozia.
“Xhelozia po vret njerëz. Ai më ka thënë mos rri në Facebook. Bashkimi më ka thënë mos lëviz sytë majtas-djathtas. Jam e pakënaqur. Kemi qëndruar ditë bashkë. Xhelozia nuk më pëlqen. Njeriu duket. Më ka vënë 4 roje për të më ruajtur. Ai nuk i ka lënë vend vetes. Unë e desha si motër Bukurien, por me ato gjeste të atij, unë e kam të vështirë”, tha ajo.
