Bashkimi Evropian ka reaguar mbi planin e paqes të propozuar nga presidenti Trump ditën e djeshme. BE-ja e përshëndeti si plani dhe ripohoi sot angazhimin e saj të fortë në favor të një zgjidhjeje të negociuar dhe të zbatueshme me dy shtete.
“BE do të studiojë dhe vlerësojë propozimet e paraqitura, por do ta bëjë këtë në bazë të asaj që është shprehur tashmë”, tha ministri i Jashtëm i BE-së, Josep Borrell, në një deklaratë në emër të 28 vendeve anëtare, duke bërë thirrje për riorganizimin e menjëhershëm të përpjekjeve të nevojshme drejt kësaj zgjidhjeje të negociuar.
Plani i presidentit amerikan për Lindjen e Mesme parashikon Jerusalemin Lindor si kryeqytet palestinez dhe hapjen e ambasadës amerikane atje.
Sipas Trump plani është shumë i mirë për të dyja palët.
“Është shumë e arsyeshme që duhet të bëj shumë për palestinezët…, përndryshe nuk do të ishte e drejtë”, tha ai.
Trump thotë se Jerusalemi do të mbetet “kryeqyteti i pandarë” i Izraelit sipas planit të tij të Lindjes së Mesme.
Presidenti amerikan Donald Trump tha se plani i tij i Lindjes së Mesme për të çuar palestinezët drejt shtetësisë do të përfshinte stimuj ekonomikë siç janë dyfishimi i rritjes ekonomike dhe ulja e papunësisë.
Presidenti Trump u ka bërë thirrje kombeve me shumicë myslimane që të mbështesin planin e tij për një zgjidhje me dy shtete në Lindjen e Mesme.
“Ka ardhur koha që bota myslimane të rregullojë gabimin e bërë në vitin 1948. Amerika është e gatshme të punojë me të gjitha palët”.
