Rusia është vendi i katërt në botë sa i takon infektimeve. Numri i përgjithshëm i rasteve të COVID-19 në Rusi është gati 2.4 milion. Task forca qeveritare e koronavirusit ka raportuar më shumë se 41.000 vdekje. Britania u bë vendi i parë në botë që autorizoi vaksinën Pfizer/BioNTech.
Në kohën kur flitet se për pak ditë do të nisë shpërndarja e vaksinës së parë ndaj pandemisë, Rusia ka hedhur hapin e radhës. Mediat e huaja raportojnë se Rusia ka hapur programin e saj të vaksinimit COVID-19 në Moskë.
Rusia ka filluar programin e saj të vaksinimit COVID-19, me dozat e para që u shkojnë punëtorëve me rrezik të lartë të infektimit.
Provat janë ende në proces, kështu që vaksina aktualisht do t’u ofrohet vetëm njerëzve nën moshën 60 vjeç, dhe të cilët nuk kanë sëmundje kronike.
Zyrtarët shëndetësorë thanë se ata kishin hapur 70 klinika në kryeqytetin rus Moskë, dhe se dozat fillimisht do t’u ofrohen punonjësve të shëndetësisë, arsimit dhe social.
