Nëse jetoni në Zvicër dhe ju ka tejkaluar afati i lejeqëndrimit, nuk do të penalizoheni. Lajmi është përcjellë nga Ministria e Jashtme, duke qetësuar kësisoj të gjithë qytetarët.
Ministria për Evropën dhe Punët e Jashtme, bën me dije se të gjithë shtetasit shqiptarë që tejkalojnë qëndrimin e lejuar në Zvicër, për shkak të situatës nga virusi vdekjeprurës, nuk do të penalizohen. Por ama ata duhet që të raportojnë. Ministria u drejtohet qytetarëve që të raportojnë pranë zyrave të migrimit kantonal në Kantonin ku po qëndrojnë.
‘Ministria për Evropën dhe Punët e Jashtme, në bashkëpunim dhe me autoritetet zviceriane, rekomandon të gjithë shtetasit shqiptar që janë në këto kushte, të raportojnë pranë zyrave të migrimit kantonal në Kantonin ku po qëndrojnë. Sipas autoriteteve zviceriane, derisa situata të kthehet në një gjendje normale, qytetarët që nuk mund të largohen nga Zona e Shengenit ose Zvicra për shkak të situatës së krijuar nga COVID-19, para skadimit të vizave të tyre ose lejeve të qëndrimit, ose skadimit të një qëndrimi 90-ditor’.
