E shtunë, 12 Qershor, 2021
27.5 C
Tirana

Pandemia/A do të shkojmë sërish drejt bllokimeve në vjeshtë?

Nga: Melih Altinok “Daily Sabah”

Me fillimin e verës, vendet kanë nisur të lehtësojnë masat e tyre të izolimit. Britania, ku të mërkurën nuk u raportua asnjë vdekje nga Covid-19, planifikon të heqë shumicën e kufizimeve në 21 qershor. Nga ana tjetër Turqia, ku numri i rasteve po bie me shpejtësi, ka hyrë nga 1 qershori në procesin e lehtësisht të pjesshëm të masave të saj të rrepta.

Sipas rregullores së re, në Turqi mbajtja e maskës është ende e detyrueshme, madje edhe në ambientet e jashtme. Restorantet dhe kafenetë, do të jenë në gjendje të shërbejnë deri në orën 21:00, para se të fillojë ora policore në 22.00. Të dielave do të vijojë bllokimi i plotë. Ngjarjet dhe aktivitetet kolektive publike, janë gjithashtu të kufizuara. Disa ekspertë thonë se shtimi i vaksinimit dhe masat drastike të bllokimit, janë efektive në uljen e rasteve. Por ata nuk kanë qenë ende në gjendje të na japin prova bindëse për të mbështetur tezat e tyre. Gjithsesi siç shihet në Indi, disa autoritete pretendojnë se shkaku i varianteve janë vaksinat që e bëjnë virusin rezistent. Të tjerët shpjegojnë se ulja e numrit të rasteve, po vjen për shkak të ardhjes së verës në Hemisferën Veriore dhe ngrohjen e motit.

Disa shkencëtarë theksojnë se për shekuj me radhë, sëmundjet e traktit të sipërm të frymëmarrjes kanë pasur tendencën të jenë më pak agresive kur moti bëhet më i ngrohtë, ndaj ata ia atribuojnë stinës uljen e rasteve të reja me koronavirus. Edhe pse një këndvështrim i tillë është “shkishëruar shkencërisht”, pasi shkon përtej diskurseve zyrtare të Organizatës Botërore të Shëndetësisë (OBSH) në lidhje me pandeminë, kjo tezë nuk duket të jetë aspak e paarsyeshme. Kur moti ngrohet, imuniteti i njerëzve forcohet.

Njerëzit që marrin më shumë rreze dielli dhe ajër të pastër, bëhen më rezistentë ndaj sëmundjeve të tilla si gripi dhe koronavirusi. Sigurisht, në këtë rast, pyetja e parë që të vjen në mendje është se çfarë do të ndodhë kur të ikë vera, dhe kur moti të nisë të ftohet me ardhjen e vjeshtës. Duke pasur parasysh praktikat e vitit të kaluar, nuk do të përbënte habi rikthimi tek masat e rrepta të izolimit. Në këtë rast, ne mund të parashikojmë që masat do të shtrëngohen kur të shtohen në dimër rastet e sëmundjeve të traktit të sipërm respirator.

Lexo edhe :   “Nga 14 qershori”, ministrja Gjonaj njofton lehtësimin e masave në burgje

Kur është fundi? Sa do të zgjasë ky “ligj ushtarak mjekësor”? A do të jetojmë gjithmonë kështu tani e tutje? A do të pushojmë pjesërisht gjatë verës, dhe do të rrimë të mbyllur në shtëpitë tona në dimër? Pra a do të vazhdojmë të jemi në panik, dhe të ndalojmë jetën çdo vit sikur po e hasim për herë të parë një virus? Kjo gjendje e punëve nuk duket që të jetë e këndshme nëse nuk e heqim qafe panikun, që ishte i logjikshëm në fillim të pandemisë. Efektet anësore serioze të shkaktuara nga masat e diskutueshme të izolimit, që kemi përdorur për të parandaluar përhapjen e virusit, kanë shtuar shqetësimet tona.

Lexo edhe :   OBSH: Varianti shumë ngjitës i Covid-19 mund të përhapet gjerësisht në Evropë

Për shkak se kufizimet vendosen në përputhje me qëllimet utopike siç është zerimi i numrit të rasteve, “gripi ynë i ri sezonal” do të ketë rezultate shumë më vdekjeprurëse. Kufizimi i praktikave që lidhin njerëzit me jetën, krijon hapësirë për humbje të rikuperueshme.

Fakti që ekonomitë po futen në ngërç për shkak të masave të izolimit, shkakton shumë herë më shumë vdekje sesa pandemia e koronaviruseve. Për të mos përmendur pasojat e rënda të pezullimit të të drejtave dhe lirive tona universale, të cilat janë fituar gjatë mijëra viteve, siç janë dalja jashtë shtëpisë dhe udhëtimet. Unë shpresoj ta kem gabim për skenarin e errët që parashikova, duke vlerësuar procesin dhe diskurset mbizotëruese, dhe uroj që makthi të mbarojë këtë verë.

Burimi i lajmit: dailysabah. Përshtati Tirana Today

- Reklama -

Më shumë nga kategoria




Të fundit

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...