Përkundrejt akuzave të opozitës, kryeministri Edi Rama e ka nisur ditën duke publikuar një tjetër video nga COVID 3, aty ku mjekët luftojnë për të shpëtuar jetët e pacientëve të infektuar nga koronavirus. Këto pamje vijnë në një kohë kur Basha e Kryemadhi kanë lëshuar një lum akuzash, se nuk ka shtretër ku të qëndrojnë pacientët dhe se mungon shërbimi i duhur.
Por Rama paraqet anën tjetër të medaljes. Pas shigjetimeve të njëpasnjëshme ndaj qeverisë për paaftësi, Rama ka publikuar pamje nga spitali COVID 3 ku po kurohen pacientët e infektuar me virus. Rama shkruan se pamjet brenda spitalit janë krejt ndryshe nga “çfarë ju rrokanisin përditë lehaqeniet pa din e pa iman”.
Statusi
MIRËMËNGJES
dhe me Pjesën e Dytë të EKSKLUZIVES nga vija e zjarrit, brenda spitalit Covid 3 këtë herë, ku mund të shihni realitetin e sistemit të mbrojtjes shëndetësore, që fatmirësisht është krejt ndryshe nga çfarë ju rrokanisin përditë lehaqeniet pa din e pa iman, ju uroj një ditë të mbarë.
