Ish-deputeti i Partisë Demokratike, Edi Paloka ka komentuar protestën e ditës së djeshme.
I ftuar në studion e lajmeve të “News 24”, Paloka u shpreh se protesta kishte një pjesëmarrje masiv.
Sipas tij dhuna dhe arrestimet e policisë ndaj protestuesve janë të papranueshme, ndërsa shtoi se Edi Rama ka fatura për të paguar në llogari të shqiptarëve.
“Kryeministri të tregojë se ku ja ka mbathur. Protesta arriti të ishte edhe më madhe se ajo e 16 marsit. Ajo që ne kemi kërkuar është pjesëmarrja e qytetarëve në protestë. Ajo ishte protesë masive. Protesta është transmetuar edhe në mediat e huaja. Qytetarët nuk po lodhen dhe nuk po tremben.
Njerëzit rrëmbehen në rrugë dhe burgosen dhe përfundojnë në biruca. Edi Rama është i vetmi dhe qeveria e tij që kanë faturë për t’iu paguar shqiptarëve. Njerëzit nuk vijnë për ne, por vijnë se janë të lodhur. Dhjetë milionë eurot kanë fluturuar dhe nuk i gjen kush. Kush janë kapur me atë që kanë kryer krimet në Shkodër”, deklaroi Paloka.
Nga ana tjetër, Paloka u shpreh i bindur se zgjedhjet lokale nuk mund të zhvillohen pa opozitën, ndërsa deklaroi se nëse Rama arrin ta bëjë këtë, atëherë Paloka largohet nga politika.
“Nuk mund të këtë zgjedhje pa opozitën, Rama e di i pari dhe e dinë edhe diplomatët. Nuk ka datë dhe nuk mund të them se kur mund të largojmë Ramën. Në këtë mënyrë siç po shkon, nga revolta qytetare në njërën anë dhe nga krahu tjetër arroganca e qeverisë, mund të shkojmë edhe tek një përplasje që nuk e do askush.
PD është rritur në sondazhe në pak kohë me 10 pikë. Ne po ecim si opozitë dhe rruga jonë është pa kthim. Vendimi politike nuk ka më ekstrem. Do të ecim me këtë formë dhe me revolta me çdo mjet deri sa ta detyrojmë Ramën të realizojë zgjedhje të ndershme. Ne nuk do të lejojmë këtë. Nëse Rama zhvillon dot zgjedhje pa opozitën, unë do të dalë nga politika dhe këtë po e them këtu”, tha Paloka.
