Kryetari i PD-së, Lulzim Basha, ka reaguar për herë të parë pas akuzave publike të Sali Berishës, sa i takon një pakti me kryeministrin Rama. Berisha tha më herët sot gjatë ditës se kryedemokrati Basha po bashkëpunon me Ramën, për të nxjerrë atë nga politika dhe dëmtuar PD-në.
Pasi opozita braktisi sallën e Parlamentit, duke mos pranuar të dëgjojë fjalën e kryeparlamentares Lindita Nikolli, Basha tha se ndjen keqardhje për akuzat që artikulohen nga goja e Berishës.
“Detyra ime është bëj gjithçka kundër të keqes, pjesa ime është publike. Në marr përgjegjësi të plotë për dështimet e sukseset e kjo është një betejë që i takon çdo shqiptari.
Kam ndjekur me dhimbje të madhe reagimin e Berishës, konsideratat e të cilit e kam shprehur mbërëmë, dhimbja që ndjej në nivelin personal është dyfishuar sot nga gjuha e përdorur sot.
Por shpresoj se koha është iliaçi më i mirë, problemi është regjimi i Edi Ramës. Shpreh keqardhjen e thellë që tezat e kundërshtarit tim të vetëm e PD të Edi Ramës, i kam dëgjuar të artikuluara nga njeriu që qëndrimin e kam dhënë dje dhe i qëndroj edhe sot”, tha Basha.
