E hënë, 20 Shtator, 2021
28.5 C
Tirana

Meta uron Nikollën: Asnjë sekondë bojkot, nuk ka vlerë dhe kuptim

Presidenti Ilir Meta ka uruar Lindita Nikollën, e cila u zgjodh kryetare Kuvendi me 79 vota pro dhe 4 kundër. Kreu i Shtetit thotë se janë mbyllur dy vite të errëta të historisë parlamentare, të cilat kanë lënë pas pasoja të rënda dhe afatgjata për demokracinë. Ai citon se nuk ka më vlerë dhe kuptim asnjë bojkot, duke i ofruar mbështetje Nikollës për bashkëpunim të përbashkët në funksion të demokracisë.

“Urime Kryetares të zgjedhur sot nga Kuvendi i ri i konstituar i Republikës së Shqipërisë! Më në fund kemi mbyllur dy vitet më të errëta të historisë tonë parlamentare, në këto tre dekada, me pasoja shumë të rënda dhe afatgjata për demokracinë, shtetin e së drejtës, integrimin europian dhe gjendjen ekonomike e sociale të qytetarëve tanë.

Tani asnjë sekondë bojkot, nuk ka vlerë dhe kuptim! Mbështetje për Kryetaren e zgjedhur, Sh.S. Znj Lindita Nikolla dhe bashkëpunim për interesin e përbashkët të forcimit të demokracisë, shtetit të së drejtës, rivendosjes së llogaridhënies në Kuvend dhe respektimin e Kushtetutës së Republikës së Shqipërisë”, shkruan Meta.

Katër votat e LSI ishin kundër zgjedhjes së Nikollës si kryetare e Kuvendit. Deputetët e Partisë Demokratike grisën fletët e votimit në shenjë proteste kundër zgjedhjes së saj.

Në momentin e marrjes së detyrës, kryeministri Edi Rama e ka përqafuar për ta uruar, ndërsa socialistët e tjerë janë ngritur në këmbë duke duartrokitur.

Në fjalimin e saj të parë përballë deputetëve të Kuvendit, Nikolla falenderoi të gjithë kolegët që ia besuan postin. Ndër të tjera, ajo u shpreh e emocionuar duke e quajtur detyrën një nder.

Fjalimi

Faleminderit. Të dashur qytetarë shqiptar. E nderuar drejtuese e seancës. Të nderuar kolege e kolegë deputetë. Të jem sot para jush, para popullit shqiptar, për të qenë e para në Kuvendin e Shqipërisë, është një nder që nuk thuhet dot me fjalë.

Lexo edhe :   Kurti lë pas inatet me Ramën dhe e uron për mandatin e tretë

Përkushtimi ndaj Republikës, Kushtetutës dhe ligjit kanë qenë përherë detyrë për mua. Sot bëhen përgjegjësi ende më e lartë. Sot marr një angazhim të fortë, por të sigurt, për të drejtuar punën tonë të përbashkët me debat, por jo ngritje, bashkëpunim, e jo përçarje. Dua të falënderoj zotin Ruçi për modelin që krijoi në karrierën politike.

Lexo edhe :   Kurti lë pas inatet me Ramën dhe e uron për mandatin e tretë

Ky Kuvend është rezultat i zgjedhjes së lirë të zgjedhjes së 25 prillit. Shifrat dhe faktet zgjedhore, e madje as përkatësia ime politike nuk do të jenë ylli i karvanit në detyrën që marr përsipër.

Për mua pakicën dhe shumicën do i dallojnë numrat. Bashkë Kuvendin duhet ta bëjmë një pasuri publike, e jo një problem për publikun. Të mos kërkojmë përgjigje të majta apo të djathta, por të drejta. Në këtë sallë armiku s’jemi ne. Ne jemi individë me pikëpamje të ndryshme dhe të kundërta”.

- Reklama -

Më shumë nga kategoria




Të fundit

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...

Debati në PD, Basha-Berisha na sjell edhe njëherë debatin për sovranitetin

Nga: Ben Andoni Në Shqipëri është e prerë dhe e menjëherë-pranueshme se nëse e thotë diçka apo e artikulon ambasadori i SHBA-së, atëherë deklarata ka...