Kryeministri Edi Rama iu është përgjigjur akuzave të Partisë Demokratike lidhur me paketën e tretë të ndihmës ndaj bizneseve.
Kreu i qeverisë ka shpërndarë në Facebook një video të PD-së, ku kjo e fundit tregon se kryeministri gënjeu për këtë paketë. Ndërsa në përgjigjen e tij, Rama thekson se qeveria do të jetë gati për paketën e tretë, duke parë dinamikën e situatës, si dhe do iu gjendet pranë atyre në nevojë.
“Mjafton të nxjerrësh gjysmën e një fraze të vërtetë nga goja e tjetrit, për të përhapur një gënjeshtër të madhe ndaj tij
#GjysëmTëVërtetatGënjeshtratMëTëMëdha. Që të ruheni prej tyre mos i gëlltisni kurrë pa përtypur produktet e LBPD&Co”, shkruan ai.
