Aktori Ermal Mamaqi, i është rikthyer diskutimit të shumëpërfolur për “paketën” e tij se si të bëhemi të suksesshëm. Në PolitikOn nga Alfred Lela në RTV Ora, aktori i humorit Ermal Mamaqi ndërhyri live, pasi emri i tij u lakua në emision. Ai iu drejtua moderatorit të emisionit se nuk i kishte pëlqyer fakti që nuk e kishte njoftuar më herët për të patur një ndërhyrje në emision. Po kështu tha se është tejet i prekur nga ato epitete që janë përmendur për emrin e tij.
“Do të ishte më etike që të më kishe thënë se do ta bëja emisionin, dhe të futesha me video. Unë kam televizionin tim që e kam ne celular dhe e kam 24 orë. Unë doja t’u ktheja përgjigje atyre persona që nuk kontrollojnë dot veten e tyre. Jam i prekur nga ato epitete që janë përmendur. Ajo që unë po bëj, nuk prek dhe nuk shqetëson askënd. Unë eksperiencën time në karrierë, si njeri dhe si biznesmen, e kam përmbledhur në një paketë së bashku me profesionistë. Ajo që është transmetuar nga paketa është thjesht një prezantim, një pjesë e shkurtër e një prezantimi shumë të gjatë”, tha ai.
