Këshilli Bashkiak i Tiranës ka miratuar sot pagesat ‘cash’ për 1,566 familje , shtëpitë e të cilave pësuan dëme që mund të riparohen nga tërmeti i 26 nëntorit.
Qytetarët do të duhet të kontrollojnë emrin e tyre në listat e afishuara pranë çdo njësie administrative dhe të nënshkruajnë menjëherë kontratën që u mundëson marrjen e pagesës në postë ose në bankë.
Gjithashtu, Këshilli Bashkiak ka miratuar edhe ndërtimin e 150 banesave të reja individuale, të shpallura si të pabanueshme nga Instituti i Ndërtimit.
Bëhet fjalë për shtëpitë individuale në zonat rurale të qytetit, të cilat i shtohen 200 ndërtesave të miratuara më herët, që kanë nisur të rindërtohen tashmë.
Gjatë kohës së ndërtimit të shtëpive, familjet do të vijojnë të përfitojnë nga Bashkia e Tiranës bonusin e qirasë.
