Mbrëmjen e sotme qarkulloi në media lajmi se kryeministri Edi Rama ka depozituar një padi ndaj Ramush Haradinajt.
Ky i fundit ka reaguar menjëherë përmes një postimi në rrjetin social Facebook.
Haradinaj shkruan se padia e kryeministrit Edi Rama është “plotësisht e pabazuar”.
Reagimi i plotë i Ramush Haradinajt: “Sot është raportuar në media se Kryeministri i Shqipërisë Edi Rama ka deponuar padi kundër meje në Gjykatë.
Unë, sipas ligjit, do të përgadis përgjigje në padi, në afatet e përcaktuara ligjore!
Padia e Kryeministrit Rama është plotësisht e pabazuar dhe një diverzion politik që bëhet nga ana e tij, që të fshihet pas dramave mediale dhe t’i ikë përgjegjësisë.
Kombi ynë dhe Kosova ka njerëz që i dalin zot në çdo kohë. RH”.
