Partia Demokratike i është përgjigjur akuzave të kryebashkiakut të Tiranës, Erion Veliaj, i cili deklaroi se do të çonte në gjykatë ish-deputeten Grida Duma, pasi kjo e fundit e lidhi atë me përgjimet e “Ndraghetës”.
Selia blu theksoi se Rama e buratini i tij të frikësuar, duke shigjetuar kështu Veliajn, nuk do t’i mbyllin gojën PD-së për të thënë të vërtetën.
PD shprehet se nuk ka frikë nga asnjë proces gjyqësor që tenton të imponojë heshtjen e tyre.
Reagimi i PD
Është e qartë: Rama dhe buratini i tij kryesor janë të frikësuar. Ata po përpiqen të mbyllin gojën e kujtdo që thotë të vërtetën. Qëllimi i vetëm i tyre është të vazhdojnë të qeverisin në kurriz të popullit shqiptar me dështimet e tyre, pa asnjë ndërhyrje. Ne nuk kemi frikë nga asnjë proces gjyqësor që tenton të imponojë heshtjen tonë, pasi jemi këtu vetëm për një qëllim që është interesi publik i shqiptarëve. As Rama, as buratini i tij, askush nuk do të na e mbyllë gojën.
