Ministrja e Shëndetësisë dhe Mbrojtjes Sociale, Ogerta Manastirliu ka bërë me dije se 5 persona të tjerë janë shëruar nga koronavirusi.
Përmes një postimi në Facebook, Manastirliu tregon se pacientët që lanë spitalin janë nga Tirana, Fieri dhe Kavaja.
Manastirliu u shpreh se 2 prej tyre kanë qenë në gjendje të rëndë shëndetësore, por pas më shumë se 12 ditësh trajtimi intensive, ata ia kanë dalë ta mposhtin virusin.
“Pesë pacientë nga Tirana, Fieri dhe Kavaja kanë lënë sot spitalin infektiv të shëruar nga COVID-19. Mjekët thonë se dy prej tyre kanë qenë në gjendje të rënduar, por pas më shumë se 12 ditë trajtimi intensiv me medikamentet që sot përdoren për trajtimin e COVID-19 edhe në vendet e tjera të Botës, ja kanë dalë ta mundin sëmundjen dhe sot u kthyen në shtëpi. Deri tani 52 të shëruar nga COVID-19”, shkruan ministrja në postimin e saj.
Ndërkohë deri më tani në vend janë regjistruar 243 raste me koronavirus. 15 persona kanë ndërruar jetë, ndërsa 52 pacientë kanë arritur ta mposhtin sëmundjen dhe të dalin nga spitali.
