Ministrja e Shëndetësisë, Ogerta Manastirliu, apelon sërish në shenjë këmbane alarmi ndaj qytetarëve, lidhur me masat ndaj pandemisë.
E shqetësuar për numrin në rritje të të infektuarve, e mbi të gjithë për shtrimet nga të rinjtë, ajo kërkon vetëndërgjegjësim në masë.
Manastirliu tregon se aktualisht vijon që të ketë pacientë të rinj të shtruar në spital, me simptoma të rënduara, si pasojë e virusit COVID-19.
Ndodhur në këto kushte, ministrja ka ripërsëritur apelin që të gjithë bashkërisht të bëhemi pjesë e betejës për të frenuar përhapjen e koronavirusit.
Statusi
?SPITALI INFEKTIV
Vijon të ketë pacientë të rinj të shtruar në spital, me simptoma të rënduara, si pasojë e virusit të rrezikshëm COVID19.
I gjithë shërbimi, duke filluar nga ekzaminimet, deri tek trajtimi në terapinë intensive realizohen në spitalin infektiv nga ekipi i specializuar i mjekëve, infermierëve dhe të gjithë stafit mbështetës, me vetëmohim e sakrificë që prej fillimit të epidemisë!
⏩ Bëhu pjesë e betejës së përbashkët për të frenuar përhapjen e COVID19, duke respektuar rregullat??
↔️Ruaj distancën nga të tjerët
?Vendose maskën
?Kujdesu për higjienën personale dhe kolektive
