Shkencëtarët, të cilët do të dërgohen nga Organizata Botërore e Shëndetësisë për të hulmtuar origjinën e Covid-19 në Kinë, e kanë përcaktuar qartë planin e studimit.
Ata synojnë të vizitojnë Wuhan, vendin ku u zbulua për herë të parë Covid-19 dhe të flasin me shkencëtarët kinezë të cilët kanë studiuar të njëjtën çështje. Gjithashtu, ata do të shohin për mënyrën se si ky virus mund të ketë kaluar nga kafshët te njerëzit, shkruan The Guardian.
Rëndësia e të studiuarit në Kinë, e të parit të vendeve të lidhura me shpërthimin e Wuhan, është propozuar fillimisht nga Fabian Leendertz, profesor në epidemiologjinë e mikroorganizmave në Instituti Robert Koch të Gjermanisë.
I përfshirë në gjurmimin e burimit të shpërthimit të Ebolas në Afrikën perëndimore 2014 në një koloni lakuriqesh në një pemë, ai gjithashtu ka punuar në identifikimin kur fruthi mund të jetë hedhur për herë të parë tek njerëzit.
Ndërsa Kina ka sugjeruar vende të tjera jashtë vendit ku virusi mund të ketë origjinën, Leendertz beson se Wuhan mbetet pika më e mirë e studimit.
“Unë mendoj se filozofia e OBSH-së është e mirë. Filloni në pikën që ka përshkrimin më të fortë të rasteve njerëzore edhe nëse nuk e dimë që tregu i Wuhan ishte pika ku për herë të parë u shpërnda te njerëz. Nga Wuhan ne mund të kthehemi në kohë për të ndjekur provat e për të zbuluar origjinën.”, tha ai.
