Opozita parlamentare ka depozituar në Kuvend kërkesën për rishikimin e Kushtetutës, lidhur me ndryshimin e sistemit dhe hapjen e listave.
Për ndryshimin e ligjit themeltar të shtetit nevojitet mbështetja e 28 deputeteve, por parlamentarët e rinj kanë siguruar 29 firma. Mes tyre bie në sy mungesa e emrit të Rudina Hajdarit.
Amendamentet e opozitës së re parashikojnë heqjen e koalicioneve parazgjedhore dhe prag 5 përqind për shpërndarjen e mandateve për partitë të cilat marrin pjesë në zgjedhje.
Ndërkohë, opozitarët presin nga Kuvendi përgjigje për propozimin e tyre për shkarkimin e Rudina Hajdarit nga bashkëdrejtimi i Komisionit Parlamentar të Reformës Zgjedhore. Sipas tyre, deputetja u bë palë me mazhorancën kur firmosi marrëveshjen në Këshillin Politik.
