Kryeministri Edi Rama e ka nisur ditën me një video të shpërndarë nga Komisioni i Venecias. Në pamjet e publikuara, përmenden disa nga vendimet me kryesore të ndërmarra për ndryshimin e Kodit Zgjedhor. “Rekomandimet e Komisionit të Venecias për ndryshimet Kushtetuese, shkojnë në të njëjtën linjë logjike me argumentet e kryeministrit Rama”, thuhet në video duke iu reaferuar draftit final.
Komisioni i Venecias ka miratuar opinionin përfundimtar në lidhje me ndryshimet kushtetuese dhe amendamentet e Kodit Zgjedhor. Sipas raportit final, ndryshimet janë ne përputhje me standardet më të mira në zgjedhje sipas përcaktimeve në kodin e praktikave të mira në zgjedhje. Komisioni kritikon veprimet e djegies së mandatave nga opozita jashtëparlamentare, si akt kundër trashëgimisë elektorale evropiane dhe nuk mund të jetë sot kritikuese kur e la procesin institucional ne rrugë. Komisioni i Venecias, në rekomandimet e bëra thekson nevojën e gjithë palëve të kontribuojnë për organizimin e zgjedhjeve të 25 prillit 2021, dhe ndryshimet ligjore rekomandohet pas zgjedhjeve.
Kuvendi i Shqipërisë miratoi më 5 tetor ndryshimet në Kodin Zgjedhor me 97 vota pro, 15 kundër dhe 6 abstenim. Këto ndryshime erdhën si pasojë e hapjes së listave dhe ndryshimeve kushtetuese të miratuara më 30 korrik.
Në ndryshimet në Kodin Zgjedhor përcaktohet se pragu kombëtar do të jetë 1 %, do të ketë ri-renditje të pjesës së parë të listës së kandidatëve bazuar tek vota preferenciale, i jep të drejtë kryetarit të partisë të garojë në 4 zona zgjedhore njëkohësisht dhe se për të kaluar pragun e listës, kandidatëve u vendoset prag tavan 10 mijë vota si dhe heqja e koalicioneve të përbëra dhe kandidimi me listë unike.
