Ministrja e Shëndetësisë dhe Mbrojtjes Sociale, Ogerta Manastirliu njofton se është realizuar me sukses ndërhyrja kirurgjikale tek vajza e konfirmuar me koronavirus.
Përmes një postimi në Facebook, Manastirliu tregon se operacioni është zhvilluar në spitalin “Shefqet Ndroqi” ose i njohur ndryshe si “Sanatoriumi”.
Ministrja thekson se që nga sot ky spital do të shërbejë për trajtimin e pacientëve të prekur nga koronavirusi.
Postimi i plotë:
🔴Ekipet tona mjekësore në lartësinë e detyrës🙏🏼
Realizohet me sukses ndërhyrja kirurgjikale urgjente tek një vajzë e re e konfirmuar me COVID-19, në spitalin universitar “Shefqet Ndroqi”, nga ekipi i kirurgjisë drejtuar nga dr. Ylber Vata, së bashku me dr. Dorian Bozaxhi, dr. Arjan Vyshka, dr. Luna Hasipi, kryeinfermiere Manushaqe Hoxha dhe instrumentare e ndërhyrjes Valbona Bulku.
🔴 Hapet sot spitali i 2️⃣ COVID, spitali “Shefqet Ndroqi” për trajtimin e pacientëve të prekur nga #COVID-19
