Një 28-vjeçar nga Tirana ka rënë në prangat e policisë së Elbasanit, pasi ushtronte shpërndarjen e lëndëve narkotike në këtë qytet. Sipas të dhënave zyrtare, Specialistët e Hetimit të Trafiqeve të Paligjshme dhe Narkotikëve në Drejtorinë Vendore të Policisë Elbasan, mbi bazën e informacioneve të marra falë bashkëpunimit me komunitetin, organizuan dhe finalizuan operacionin policor të koduar “Palma” me arrestimin në flagrancë të shtetasit D.Th., 28 vjeç, banues në Tiranë.
28-vjeçarit në momentin që është ndaluar nga policia i është gjetur në makinë dhe iu sekuestrua në cilësinë e provës materiale 750 gramë lëndë narkotike e dyshuar kanabis. Po ashtu edhe dy kartëmonedha me prerje 100 euro, të cilat dyshohen se janë të falsifikuara.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Prodhimi dhe shitja e narkotikëve” dhe “Falsifikimi i monedhave”.
