Presidenca ka reaguar për miratimin e ndryshimeve të Kodit Zgjedhor. Zëdhënësi i presidentit Meta shkruan në facebook se nuk ishte aspak surprizë, ndërsa njofton se nesër do të publikojnë emrat e të gjithë atyre, që sipas tij “ngritën dorën për izolimin e Shqipërisë deri në 25 Prill”.
Ilir Meta thotë se është gati të japë jetën për të mbrojtur demokracinë dhe lirinë në Shqipëri. Që në krye të statusit thuhet se nuk ishte aspak surprizuese nga i ashtëquajturi “Kuvendi i Turpit dhe Kokoshkave”. Në reagimin në fjalë nënvizohet fakti se presidenti është i qartë për shpartallimin e plotë të këtij komploti të mirëorganizuar kundër popullit.
Statusi
Zero surprizë nga Kuvendi i Turpit dhe Kokoshkave, që ulin kokën dhe ngrenë dorën.
Ka vetëm një fajtor dhe ky është Mister 1 Prilli ose Profeti i Kokoshkave.
Të tjerët janë bashkëpunëtorët e tij të rëndomtë, të blerë, të kapur, të shantazhuar e të nënshtruar.
Nesër publikojmë emrat e të gjithë atyre që ngritën dorën për izolimin e Shqipërisë deri në 25 Prill.
Presidenti është i qartë për shpartallimin e plotë të këtij komploti të mirëorganizuar prej 20 vitesh kundër popullit dhe kombit tonë, për defaktorizimin e shqiptarëve si një popull dhe komb europian.
Tre milionë shqiptarë do të dinë si t’i përgjigjen këtij provokimi të poshtër, në mënyrë të bashkuar, europiane dhe Shqiptare.
Askujt të mos i vijë keq për popullin shqiptar.
Nuk jemi bërë për mëshirën e askujt.
Do t’i dalim zot vetë vendit tonë dhe do tregojmë se e meritojmë Demokracinë dhe Lirinë.
Nga 25 Prilli fillon një EPOKË E RE në Shqipëri.
Ajo e sundimit të popullit përmes referendumeve. Vetëm kjo do garantojë sundimin e ligjit dhe fundin e kësaj oligarkie antishqiptare.
Numërimi mbrapsht sapo filloi.
JETËN E JAPIM, POR DEMOKRACINË DHE LIRINË KURRË MË!
https://www.facebook.com/blushited/posts/10158697859052760
