‘Nuk na besuat për vaksinat’/ Rama: Do çlirojmë popullin nga kjo luftë

Ditën e sotme, në vendin tonë ka nisur vaksinimi i mësuesve dhe pedagogëve me vaksinën e prodhuar nga kompania AstraZeneca.

Kryeministri Edi Rama u shpreh se qeveria do të vazhdojë të rrisë dozat e vaksinave dhe do ta çlirojë popullin nga ankthi dhe shtrëngata e kësaj lufte me Covid-19.

Edi Rama: ”Ashtu siç askush nuk e besonte se ne do t’i shëronim plagët e tmerrshme të tërmetit pa humbur kohë dhe sot shërimi i tyre vazhdon pa u ndalur, ashtu edhe vaksinat që pakkush besonte se do t’i gjenim para shumë të tjerëve, ne do të vazhdojmë t’i rrisim në sasi pa u ndalur dhe do ta çlirojmë popullin tonë nga ankthi e shtrëngesat e kësaj lufte, pa humbur kohë e pa mbetur mbrapa të tjerëve.”

Mbrëmjen e djeshme, në aeroportin e Rinasit mbërriten 38.400 dozat e vaksinës anti-covid të Astrazeneca-s.

Ndërkohë, pritet që në muajin prill të mbërrijnë 60 mijë doza të tjera nga Astrazeneca dhe 30 mijë nga Pfizer.