Garo fillon ‘analizën’ e politikës: Këtu një kilometër rrugë bën 25 milion euro

Ish-moderatorja, Floriana Garo që tashmë është angazhuar në Partinë Demokratike ka futur në ‘skaner’ mënyrën se si ka qeverisur kryeministri Edi Rama.

E ftuar në “Kjo javë”, Garo tha se në vendin tonë një kilometër rrugë bën 25 milion euro, ndërsa në Gjenevë, është përfunduar një plazh i mrekullueshëm, muze, rruga nga e para, krejt falas për qytetarët dhe i gjithë ky projekt ka kushtuar 65 milionë franga.

Ndër të tjera, ajo u shpreh se arroganca me të cilën kryeministri Rama u është drejtuar njerëzve, nuk i ka pëlqyer kurrë.

Floriana Garo: ”Është marrë shumë me imazhin, me rregullimin e shesheve, disa rruga të vogla, e megjithatë borxhi është rritur dhe nuk janë bërë investime për të rregulluar jetën e shqiptarëve. Vjet është përfunduar një plazh i mrekullueshëm në Gjenevë, është bërë një plazh nga e para, muze, rruga nga e para, krejt falas për qytetarët dhe i gjithë ky projekt ka kushtuar 65 milionë franga. Kështu që i gjithë ky investim për kaq para. Këtu në Shqipëri bëhet 25 mln euro një kilometër rrugë. Njerëzit paguajnë për këtë gjë dhe kjo më ka bërë vërtetë të mendoj: kjo nuk është në rregull.”