Futbolli europian/ Reali dhe Bajerni nuk falin, Çelsi dhe Evertoni çedojnë

Janë luajtur pjesa më e madhe e ndeshjeve të së shtunës në ligat kryesore të Europës dhe kryesisht ekipet e mëdha nuk kanë gabuar në kampionatet respektive.

Angli

Në Angli, Çelsi arriti vetëm një pikë në fushën e Lidsit të Marselo Bielsës pas një barazimi 0-0. Trajneri argjentinas u shpreh pas ndeshjes se nëse një ekip e meritonte fitoren ai nuk ishte Lidsi i tij.

Mbrojtësi i bluve, Ben Çilluell pranoi nga ana tjetër se portieri i tyre, Mendi i shpëtoi blutë e Londrës nga një humbje.

Pretendenti tjetër për top 4-ën në ishull Evertoni i Karlo Ançelotit zhgënjeu në shtëpi në ndeshjen kundër Bërnlejt që gjeti dy gola në pjesën e parë dhe arriti të marrë tre pikë për mbijetesën.

Në ndeshjen që u bë temë e medias prej veprimit të Zahasë që nuk pranoi të gjunjëzohet, Palasi mundi Albionin 1-0.

Gjermani

Bajerni i Mynihut arriti fitoren e rradhës në transfertën e Bremenit pasi Tomas Myler asistoi 2 gola në pjesën e parë të konvertuar nga Gorecka dhe Gnabri teksa në pjesën e dytë i përhershmi Levandovski shënoi një tjetër gol dhe i afrohet rekordit për më së shumti gola të shënuar në një sezon.

Bavarezët e dërgojnë diferencën me Lajpcigun e vendit të dytë që luan nesër në 5 pikë.

Dortmundi mundi në shtëpi Hertën e Berlinit me rezultatin 2-0 me golat e Brandt dhe Moukoko

Volfsburgu gozhdoi Shalken që tani rrezikon seriozisht rënien në nivelin e dytë të futbollit gjerman.

Në ndeshjet e tjera Mainc 1-0 Frajburg dhe Union Berlin 2-1 Këln.

Spanjë

Në Spanjë bie në sy rezultati i ndeshjes Real Madrid – Elçe 2-1 ku dopieta e Benzemasë me golin e dytë në shtesë mban në garë madrilenët.

Lexo edhe :   Champions / Dortmundi me shpresat tek Halandi për të ndalur Guardiolën

Alaves – Kadiz dhe Osasuna- Valadojid kanë përfunduar në barazime respektivisht 11 dhe 0-0 duke darë pikët. Pas pak pritet në fushë Atletiko kundër Getafes.

Itali

Ndeshje të vakta këtë të shtunë në Itali. Sasuolo- Verona 3-2 dhe Benevento-Fiorentina 1-4 prodhuan të dyja ndeshjet nga 5 gola por mungesa e emrave të mëdhenj e ka bërë të vakët ditën në axhendën e tifozëve të futbollit italian. Në 20.45 Xhenoa – Udineze.