Ish-ministri i Drejtësisë, Ylli Manjani, ka reaguar menjëherë pas aksionit të qeverisë kundër informalitetit. Manjani shkruan në Facebook se kryeministrit Rama nuk i bëhet vonë për konsumatorin apo për biznesin.
Ai madje ironizon më tej me një rast të bërë publik nga Rama, duke publikuar fotot e një hoteli të bllokuar. Duke iu referuar këtij rasti, Manjani thotë se Rama iu fali tatime të kohës së shkuar bizneseve të mëdha, në mënyrë anti-kushtetuese.
Statusi
Udhëheqësi i lavdishëm ka nxjerrë një foto hoteli të bllokuar, për medemek taksat e papaguara.
Është me vend të rikujtojmë se në fillim të këtij viti, në mënyrë haptazi anti kushtetuese ju fali tatime të kohës së shkuar bizneseve të mëdha, që i kishin arkëtuar atë para në kurriz të konsumatorëve prej vitesh.
Kush e dëmton më shumë konsumatorin një hotel që mezi bëhet gati të punojë një muaj në verë, apo një kompani e madhe shërbimesh që punon 365 ditë?!
Dhe flet për drejtësi e barazi para ligjit!
Nuk është se nuk kupton atë që bën. E bën sepse nuk i kërcet fare as për konsumatorin e as për biznesin.
