Deputeti Kujtim Gjuzi ka përgënjeshtruar zërat që qarkullojnë, se mund të jetë prekur nga koronavirusi. Ai madje ka këshilluar shqiptarët të përdorin produktet ushqimore, për t’ia hedhur paq nga COVID-19.
Gjuzi thotë se është e pamundur që të infektohet, dhe se është shëndoshë e mirë. Dhe për këdo që mashtron, do të përballet me drejtësinë. Madje deputeti si për ta dëshmuar se pse është e pamundur që të infektohet, ka treguar listën me ushqimet që ai konsumon. Duke nisur nga kosi me mjaltë, çokollatë, bajame e lajthi.
“Unë mbrohem me; në mëngjes 1 kg kos me mjaltë, kur s’kanë me sheqer. Unë përdor çokollatë me arra, bajame apo dhe lajthi që mbron gjithë organizmin.
Në drekë përdor domate, gjysëm kg domate, po ashtu pasdite përdor shegë, djath, meqënëse jam shëndoshur pak si pasojë e streseve, po përdor djathin e dhisë. Konsultohem me këshilltarin tim doktor, androlog dhe obstetër Fadil Mustafa, kam edhe psikologë që rrinë pranë stafit të Partisë Konservatore”.
