Gent Cakaj i dorëzoi zyrtarisht detyrën e ministrit të Jashtëm Olta Xhaçkës. Pas kësaj, pritet që në orën 10:00, Xhaçka t’i dorëzojë detyrën si Ministre e Mbrojtjes, Niko Peleshit.
Nuk dihet nëse do të ketë konferencë për shtyp, njëjtë siç u bë një orë më parë për kalimin e detyrës nga Cakaj te Xhaçka për Ministrinë e Jashtme, ku i pranishëm ishte dhe kryeministri Edi Rama.
Gent Cakaj foli sot për herë të fundit si ministër i Jashtëm. Në ceremoninë e dorëzimit të detyrës, Cakaj renditi arritjet në këto dy vite, ndërsa tha se do të vazhdojë të japë angazhimin e tij për Shqipërinë.
Cakaj u shpreh se për të, Shqipëria ka qenë një ëndërr historike. Ai garantoi ministren e re se do te japë kontributin e tij, në diplomacinë shqiptare.
