Saimiri, dy puntata më parë vendosi të largonte nga “Love story” Silvanën. Pas eleminimit, ajo tha se është shumë e lumtur që u largua, dhe se Saimiri është mashkull i thjeshtë që pret që femrat t’i përulen. Silvana dha një deklaratë të fortë, teksa shtoi se do burrë me B të madhe. Por nuk ia përtoi as Saimiri, i cili i tha se edhe ajo duhet të jetë grua me G të madhe nëse e ka këtë kërkesë.
Mjaft e mërzitur për çfarë po ndodhte, Silvana deklaroi se Saimiri ka për të dalë vetëm nga ky spektakël, sepse sipas saj, ai po kërkon vajza që ta argëtojnë, por ajo nuk është në këtë kategori.
Silvana akuzoi 33-vjeçarin se ka ftuar vajzat në vilën e tij, gjë që është e ndaluar nga produksioni, dhe se ky i fundit duhet t’ia kontrollojë mesazhet.
Sakaq, mbrëmjen e djeshme Silvana ka nxjerrë provat. Ish-konkurrentja ka publikuar në Instastory bisedat e Saimirit me të dhe 2 vajza të tjera, ku ai i fton në shtëpinë e tij.