Italia po përballet me një situatë kritike lidhur me pandeminë, e cila nuk po i lë të marrin frymë lirisht. Numri i të vdekurve dhe të infektuarve duket se po njohin trend në rënie, por autoritetet janë ende të shqetësuar.
Jeta aktive duket e largët. Ndërsa mjekët e kërkuesit gjithmonë e më shumë po kërkojnë nga ana e qytetarëve respektimin e distancimit social, si një mënyrë për parandalimin e virusit.
Teksa mjekët në Itali çdo ditë e më shumë po përballen me një situatë jashtë çdo pritshmërie, sërish Shqipëria i ka ardhur në ndihmë.
Një tjetër grup mjekësh dhe infermierësh nga Shqipëria, janë nisur sot drejt Italisë, për të ndihmuar në luftën kundër koronavirusit. Ky është grupi i dytë me mjekë dhe infermierë shqiptarë, që po shkojnë në Itali për të dhënë ndihmën e tyre, pas gjunjëzimit nga koronavirusi.
Vlen të theksohet fakti se pak javë më parë, Shqipëria dërgoi në Itali 30 mjekë dhe infermierë. Ata aktualisht po shërbejnë në frontin e parë të luftës kundër COVID-19 në spitalet e Breshias.