Rritja e çmimit të bukës e energjisë, ka sjellë revoltën e hapur tek qytetarët, por edhe tek ish-klasa politike. Ish-deputeti Lefter Maliqi nuk ka qëndruar në heshtje, por ka shpërthyer keq përmes një postimi në rrjetet sociale për gjendjen ekonomike në të cilën ndodhet vendi sot.
Maliqi shprehet se populli është tejet i lodhur nga kjo situatë, dhe se me rritjen e çmimeve po shoqërohet paketë me pasigurinë, shpopullimin e popullsisë, trafikun e drogës etj.
Marrë shkas nga kjo gjendje kaotike, e cila po rëndohet dita-ditës, Maliqi bën thirrje që populli të ngrihet në protesta.
Statusi
Durimi ka kufij! Rritet çmimi i bukës, rritet çmimi i energjisë, rritet pasiguria, rritet shpopullimi, rritet trafikimi i drogës, rritet pasuria e qeveritarëve dhe oligarkëve, rritet babëzia, hipokrizia, aktrimi, ligësia, paaftësia, djallëzia… rritet qejfet e zyrtarëve, anarshia dhe vulgariteti. Qeshu “Rilindje” qeshu, se bota është e jotja… “se pëlcet, kërcet furtuna, fryhet Vjosa derdhet Buna, skuqet Semani dhe Drini, dridhet beu dhe zengjini, se pas vdekjes ndriti jeta…., Ngrihuni dhe bjeruni! Katundar’ e punëtor, që nga Shkodra deri në Vlorë.
