Pasditen e sotme, në kryeqytet, rreth orë 14:52, Aldosen Belulaj ka qëlluar për vdekje me pistoletë Ariela Muratin, dhe më pas ka qëlluar edhe veten e tij në zonën përballë spitalit “Nënë Tereza”.
Dy të rinjtë janë dërguar me urgjencë në spital, ku Ariela Murati, 21 vjeç ka humbur jetën, ndërsa Aldosen Belulaj ndodhet në gjendje të rëndë për shkak të plagëve të marra.
Nga informacionet e para bëhet me dije se dy të rinjtë nga qytetit i Fierit kanë qenë në një lidhje me njëri tjetrin dhe shkak për plagosjen dyshohet të kenë qenë konfliktet ndërmjet tyre.
Policia dhe grupi hetimor kanë shkuar në vendngjarje, dhe kanë sekuestruar armën e krimit, ndërkohë vijojnë hetimet për zbardhjen e plotë të ngjarjes.
