Aktorja Monika Lubonja, si rrallë herë ka ndarë me publikun historinë e jetës së saj, një shtatzëni e padëshiruar, por që sot vajza e saj është krahu i saj më i ngrohtë. Ajo ka rrëfyer në rubrikën “N’fermë” në “E Diell” historinë e saj prekëse, ku kishte mbetur shtatzënë kur ajo ishte studente.
Aktorja tregoi se në kohën kur ishte studente në Akademinë e Arteve, mbeti shtatzënë ashtu siç e quan ajo “në mënyrë aksidentale”. Ndonëse vajza e saj Tea sot është 24 vjeçe, Monika tha se asokohe mendoi të bënte abort, pasi kishte frikë se fëmija do ta pengonte në rrugën e saj drejt aktrimit. Një gjë e tillë nuk ndodhi, pasi pengesë për të u bë e ëma, mjeke me profesion, e cila e sugjeroi të ndryshonte mendje dhe të sillte në jetë fëmijën.
“Isha e dashuruar në shkollë, ngelëm pak shtatzënë, aksidentalisht. Shoqëria më thoshte ua ç’të gjeti ty. Më pas kisha në plan të parë të bëja filma, teatër, se sa kisha filluar të luaja dhe vajta ta abortoj vajzën. Mamaja ime duke qenë mjeke e sinjalizuan, të merr s’të merr këtë fëmijë do ta bësh, edhe ne do të dalim për zot”, tha Monika.
