Nga fillimi i pandemisë e deri më tani, Italia numëron 1.17 milion raste me Covid-19 si dhe 45.229 viktima. Autoritetet e kanë paralajmëruar se situata do të vijojë të rëndohet gjatë periudhës vjeshtë-dimër, ku dhe virozat e stinës e vështirësojnë më shumë gjëndjen.
Nga përllogaritjet që janë bërë aktualisht nga kërkuesit, piku i valës së dytë të koronavirusit pritet të vijë javën e ardhshme. Kjo është konfirmuar nga Ministri i Shëndetësisë, Roberto Speranza, sipas të cilit, për vaksinimin e masës duhet të pritet deri në 6-mujorin e dytë të vitit që vjen.
Kjo deklaratë vjen pas akuzave ndaj qeverisë italiane, se nuk po bën mjaftueshëm për testimin. Speranza foli dhe për Krishtlindjen, dhe sa të përgatitur janë. “Na mbeten edhe 40 ditë tha ai, ndaj do isha i marrë nëse do bëja parashikimin epidemiologjik që nga sot”, tha Speranza.