Serie A në dy javët e fundit do të ndajë edhe çmimet për lojtarët më të mirë të çdo reparti, nga porta në sulm. Ky është sezoni i parë që çmimet jepen para fillimit të ndeshjes së fundit që lojtarët do të luajnë në shtëpi, pasi Lega e Serie A ka menduar që ata ta ndajnë festën me tifozët e tyre.
Klasifikimet për çdo kategori janë bazuar te statistikat e OPTA-s. Në këtë renditje merren parasysh ndeshjet e zhvilluara deri tani në Serinë A, në Kupë e Italisë dhe në Superkupën e Italisë.
Fituesit e këtij viti do të kenë të drejtën që sezonin e ardhshëm të mbajnë në fanellën e tyre një stemë që përfaqëson çmimin e fituar. Në listën e fituesve mungon Cristiano Ronaldo, ai ishte pretendent për çmimin e sulmuesit më të mirë, por është Fabio Quagliarella që e ka rrëmbyer çmimin.
Fituesit dhe ndeshjet kur do të jepet çmimi:
Portieri më i mirë: SAMIR HANDANOVIC (Inter – Empoli, java e 38-të)
Mbrojtësi më i mirë: KALIDOU KOULIBALY (Napoli – Inter, java e 37-të)
Mesfushori më i mirë: MILINKOVIC-SAVIC (Lazio – Bologna, java e 37-të)
Sulmuesi më i mirë: FABIO QUAGLIARELLA (Sampdoria – Juventus, java e 38-të)
