SHBA vijon të mbetet vendi me numrin më të madh të personave të infektuar nga koronavirusi.
Në 24 orët e fundit janë shënuar më shumë se 22 mijë raste të reja, ndërsa numri total i personave të infektuar ka shkuar në 491,339.
SHBA ka numëruar mbi 1,5 mijë viktima sot, teksa 777 prej tyre janë regjistruar vetëm në New York. Ky i fundit është vendi më i prekur në SHBA, teksa deri më tani janë shënuar mbi 170 mijë raste.
New York regjistron 7,844 viktima nga COVID-19, nga 18,225 vdekje që janë regjistruar gjithsej në SHBA.
Pavarësisht numrit ende të lartë të vdekjeve, guvernatori i shtetit, Andrew Cuomo tha se shtrimet në spital po ngadalësohen dhe numri i personave në kujdes intensiv ka rënë.
“Në mënyrë intelektuale e kuptoj pse po ndodh, por kjo nuk e bën më pak të lehtë pranimin”, tha ai duke iu referuar vdekjeve.
Vendet tjera më të prekura në SHBA janë New Jersey, Michigan, California, Pennsylvania, Louisiana, Massachusetts etj.
Mbi 1,6 milionë njerëz nga e gjithë bota janë prekur nga koronavirusi, ndërsa numri i vdekjeve ka arritur në 102,053.
