Numri i viktimave të shkaktuara nga pandemia e koronavirusit, po rritet me ritme të shpejta edhe në Turqi.
Ministri turk i Shëndetësisë, Fahrettin Koca njoftoi se në 24 orët e fundit në Turqi kanë humbur jetën 98 persona.
Kështu Turqia e ka kaluar pragun e 1 mijë viktimave, teksa deri më tani regjistron 1,006 vdekje nga COVID-19.
Koca tha se në Turqi janë zhvilluar më shumë se 307,000 teste, prej të cilave kanë dalë pozitive 47,029 raste. Sipas tij, shkalla e vdekshmërisë nga koronavirusi në vend arrin në 2,15%.
Sipas mediave të huaja, prej pothuajse 1 jave numri i rasteve të reja në ditë, ka qenë më i madh se 3 mijë. Në 24 orët e fundit u regjistruan 4,747 raste të reja.
Për momentin, në Turqi e kanë të ndaluar të lëvizin vetëm personat mbi moshën 65 vjeç dhe ata nën 20 vjeç.
Sipas Worldometer, që nga shpërthim i COVID-19 në Turqi janë shëruar 2,423 persona. Vetëm 43,600 raste janë ende aktive në vend, ndërsa 1,667 persona ndodhen në gjendje kritike për jetën.
