Gazetarja Iva Tiço, e ftuar në emisionin “Ftesë në 5”, ka ndarë me publikun një histori prekëse, ku dëshmon se realiteti shqiptar është ende i ndrydhur dhe larg asaj që mendojmë se ka avancuar shumë.
Ajo tregoi një mesazh që i kishte mbërritur në rrjetet sociale, përmbajtja e të cilit e ka tronditur shumë. Një grua i ka rrëfyer gazetares se ka tentuar të sjellë në jetë një fëmijë, por deri më tani pa rezultat.
Problem mbetet presioni nga vjehrra e gruas, që i thotë se nëse nuk bën fëmijë, të ndahet nga djali i saj. Madje vjehrra i kishte thënë që nëse nuk e bën djalin me fëmijë, më mirë të ndahet dhe ai të gjejë një tjetër partnere.
“Mendo që të kesh pas çdo muaji 20.000 njerëz që të thonë hë mo çfarë u bë? Kjo për mua është një stres i dyfishtë. Unë pasi i publikova këto mesazhe, mora tre komente ndjekësish dhe kam kuptuar një botë, disa rrëfime që më kanë lënë pa fjalë.
Një zonjë që më ka treguar stresin që i shkaktonin familjarët, se përse ajo kishte disa vite pa fëmijë. Në muajt e fundit vjehrra i kishte thënë, që nëse nuk e bën djalin me fëmijë, leje dhe ai të gjejë një tjetër”, tha gazetarja.
