Me çeljen e fushatës të Partisë Socialiste, kryetari i Bashkisë së Tiranës, Erion Veliaj, kishte të ftuar special tre artistë të njohur, Eneda Tarifën, Gaz Pajën dhe Anxhela Peristerin.
Të tre personazhet mbajtën nga një fjalim dhe falenderim për Lali Erin, por deklarata e Eneda Tarifës u bë virale, se do të ishte mirë sikur mami të kishte bërë nja 3 Erion Veliaj.
Eneda Tarifa gjatë prezantimit të saj foli me superlativa për Erion Veliajn, duke thënë se nëse do kishte si Erioni nja 3 të tjerë, kushedi ku do ishim.
“Nëse do kishte bërë nëna nja 3 si Erion Veliaj, nuk e di ku do ishim këtë 4-vjeçar”, u shpreh Tarifa.
Ndërsa Anxhela Peristeri deklaroi votën e saj pro Veliajt. “Nuk lodhem duke folur për Erjonin, në 30 Qershorin do votoj për Tiranën sepse do votoj për ndryshimin e saj, për gjelbërimin dhe investimet”, u shpreh Peristeri.
Nga ana tjetër, Gaz Paja u shpreh se kërkon të hyjë në histori, pasi edhe miqtë duan të hyjnë në histori. “Di që këta çuna dhe goca do hyjnë në histori, edhe unë dua të hyj në histori”, deklaroi Paja.
Duke shfrytëzuar këtë rast, gazetari Ylli Dylgjeri ka bërë një reagim epik në rrjet, lidhur me këngëtaren Tarifa.
Statusi
Këngë nga Eneda Tarifa
Sikur mami Erionit të bënte 3 Erionë!
Një për “Mjaftin”
Një për fiq, e…
Një për Bashkinë tonë!
