Kreu i Shtetit, Ilir Meta, nuk ka të ndalur me batutat ndaj PS-së. Një ditë më parë, në deklaratën për mediat, Presidenti tha se nëse çelen negociatat, Ramës do t’i jap “Urdhrin e Skënderbeut”.
Me nota humori dhe ironie, ai gjatë konferencës për mediat u shpreh se Bashës nuk do t’i japë dekoratë, sepse ka braktisur institucionet, ndërsa Monika i ka dhënë besën Lulit.
“Unë i jap dekoratë Edit në datë 18 tetor, vetëm ai të marrë datën e çeljes së negociatave. Ai le të mos e pranojë. Siç u dha ai dekorata ambasadorëve që çeli negociatat vjet-parvjet. Unë do t’ja jap dekoratën, ai le mos e pranojë.
Madje do ti jap “Urdhrin e Skënderbeut”. Unë të jem xheloz, pse do të çelen negociatat? Unë kam ikur nga kryeministër, vetëm për të mos penguar marrëdhëniet e Shqipërisë me BE. Kryetari i partisë kur unë isha kryeministër, donte të bëhej President, po ato votat i kishim çik problem për Presidentin, për punën e Dushkut”, deklaroi Meta.
Por duket se ai nuk e ka lënë me kaq. Në komentin e tij të radhës në Facebook, shkruan: “O Zot ç’më ka gjetur me këtë njeri! Unë dua t’i jap “Urdhrin e Skënderbeut”, ky kërkon vetëm “Urdhrin e Tao-Spiropalit”!”.
Denonco ne TT