Komisioneri për Zgjerim, Oliver Varhelyi është shprehur se raporti vjetor në lidhje me negociatat për Shqipërinë dhe Maqedoninë e Veriut do të dalë në vjeshtë.
Përmes një postimi në Twitter, Varhelyi tha se reformat e mëtejshme mund të vazhdojnë, teksa thekson se parashikimet janë të mira.
“Unë kam konfirmuar sot se kornizat e bisedimeve për Shqipërinë dhe Maqedoninë e Veriut do të vazhdojnë në qershor, ndërsa raporti vjetor pritet që të prezantohet në vjeshtë.
Kështu që reformat e mëtejshme mund të vazhdojnë dhe parashikimet janë të mira, duke iu përmbajtur rregullave të Covid-19. Momenti i zgjerimit për shtetet e Ballkanit Perëndimor vazhdon”, shkruan ai në postimin e tij.
I confirmed today that negotiating frameworks for #Albania #NorthMacedonia will come in June, while annual reports are due in the autumn so further reforms can be delivered & predictability is better in view of #COVID19. Important enlargement momentum continues. @EP_ForeignAff
— Oliver Varhelyi (@OliverVarhelyi) May 19, 2020
